Ne në RE/MAX Vizion kemi një skuadër yjesh e një prej tyre është edhe Elona Dushku, e cila prej 2 vitesh renditet si konsulentja numër 1 e RE/MAX në Shqipëri, duke fituar cmime të ndryshme të tilla si konsulentja më performuese, konsulentja me numrin më të lartë të transaksioneve në bashkëpunim, konsulentja me numrin më të lartë të transaksioneve të konkluduara, si dhe konsulentja më listuese e të gjithë sistemit.
E sikur të mos mjaftonin këto, për 2021, Elona shpallet si Ambasadore e Markës (Brand Ambassador) RE/MAX Albania. Kjo i jep mundësinë Elonës të përfaqësojë Shqipërinë në RE/MAX Europe duke treguar vlerat më të mira të cdo konsulenti imobiliarë në vend, e duke u bërë kështu pjesë e konsulentëve më të mirë e performues të RE/MAX Europe.
Për t’ju dhënë një copëz më shumë nga historia e suksesit të saj po ju tregojmë pak më shumë për të;
Elona e nis kështu historinë e saj ….
Në shtator 2017 ju bashkova rastësisht industrisë imobiliare, duke mos e ditur që ky do të ishte një rrugëtim i gjatë e i suksesshëm për mua. E lumtur pa fund që sot pas pothuajse 4 viteve kam njohur shumë klient, pjesa më e madhe e të cilëve sot janë miq shumë të mirë, që janë promotorët më të mirë të biznesit tim.
Sigurisht që nuk ka qënë një rrugëtim i lehtë, ama pasioni e dëshira për të dhënë më të mirën nga vetja më ka bërë që çdo sfidë të më mësojë diçka me vlerë e të kuptoj mirë që me këmbëngulje çdo gjë mund të arrihet.
Por asnjë sukses nuk vjen vetëm, e kush punon në real estate e kupton shumë mirë këtë gjë. Falenderuese ndaj çdo kolegu e kolegeje për bashkëpunimin, dhe korrektesën e treguar në çdo proces të konkluduar sëbashku.
Falenderuese ndaj zyrës për suportin, mbështetjen dhe frymën pozitive të përçuar duke e bërë atë ambient jo më një ambient pune por një shtëpi të dytë për mua.
Tani më shumë se kurrë ndihem me fat që një vendim i shpejtë, do të bëhej një nga vendimet më të rëndësishme të karrierës sime profesionale.
E për më tepër përgjegjësia shtohet për të qenë një promotore suksesi kur më besohet edhe pozicioni i Brand Ambassador për RE/MAX Albania për vitin 2021.
Do të bëj më të mirën time për të përçuar vlerat më të mira të kësaj kompanie në të cilën jam rritur tashmë! Faleminderit nga zemra gjithkujt që ka besuar tek unë dhe që ka qenë suport në çdo hap timin.
Përzemërsisht,
Elona Dushku
RE/MAX Albania Brand Ambassador
Për tu njohur me portofolin e pronave të Elones klikoni në linkun më poshtë:
https://www.remax-albania.com/sq-al/agjent/shqiperi/komuna-e-parisit/elona-dushku/530291007